Dagens bibelord 3. april 2025

Nehemja 9,12-17: 12 I en skysøyle førte du dem om dagen og i en ildsøyle om natten; den lyste opp veien de skulle gå. 13 Du steg ned på Sinai-fjellet og talte til dem fra himmelen. Du ga dem rette ordninger, sanne lover, gode forskrifter og bud. 14 Din hellige sabbat kunngjorde du, bud, forskrifter og lov ga du dem gjennom Moses, din tjener. 15 Brød fra himmelen ga du dem mot sulten, og vann lot du strømme fra klippen mot tørsten. Du bød dem dra inn og ta landet i eie, det som du med løftet hånd hadde lovet dem. 16 Men de var hovmodige og stivnakket, fedrene våre, de hørte ikke på dine bud. 17 De nektet å høre og husket ikke dine under, som du hadde gjort for dem. De var stivnakket og tok seg en leder for å vende tilbake til slaveriet i Egypt. Men du er en Gud som tilgir, du er nådig og barmhjertig, sen til vrede og rik på miskunn; og du forlot dem ikke.

Super-Jonas er gjenoppstått

MGP-bandet Keiino opna Ap-landsmøtet, på eit ekstatisk vis som kanskje skildra den indre stemninga i mange av sosialdemokratane i salen. I songen Spirit in the Sky song dei verselinja «cause I’ve been running with the demons now». Slik det heller ikkje har mangla på indre og ytre demonar for Arbeidarpartiet dei siste åra.Men, som Tom Hugo, Fred Buljo og Alexandra Rotan, song inn i mikrofonane: «I need my hero, I need my light». Dei siste fire åra har Arbeidarpartiet mangla både heltar og lys. Så kom den viktigaste våren i stortingsperioden. Partiet har den siste tida fått fleire nye heltar. Eit heilt korps av statssekretærar, politiske rådgjevarar og eit knippe nye statsrådar.Landsmøtet lo av StøreEin ting er Jens Stoltenbergs retur. Den var nok viktig for å skape ny begeistring og energi i partiet og blant veljarane. Men den er nok ein smule overvurdert samanlikna med returen av ein annan gamal kjenning og helt: Super-Jonas er tilbake.Applausen som møtte denne gamle superhelten då han steig opp på scena i landsmøtesalen i Folkets hus var historisk. Aldri har det vore større forskjell mellom det faktiske landsmøtet og det landsmøtet folk få månader tidlegare såg føre seg at det skulle bli. At det var Super-Jonas som skulle stå der i Folkets Hus, var det få som hadde venta. Salen lo høglytt då Støre sa at landsmøtet blei annleis enn han hadde sett for seg for tre månader sidan.I landsmøtesalen var det nummeret før folk byrja å spørje seg om partileiaren faktisk kan gå på vatnet. Det var jo ei kjennsgjerning at han allereie har trassa dei politiske tyngdeloveneDei lo hjarteleg fordi dei ikkje lenger fryktar konsekvensane av ein valkatastrofe. Det blir ein jamn kamp om regjeringsmakt med dei borgarlege, men dryge 158 dagar før valet har Arbeidarpartiet har alle moglegheiter til å slå resultatet frå 2021.Brydd av popularitetenDen vitale, vittige og slagkraftige Støre som stod på scena, gjorde det nesten vanskeleg å tru at den bleike og slitne versjonen vi såg i desember i fjor, var same mann. Han som hadde nøla seg gjennom den eine krisa etter den andre, og som hadde famla i møte med den eine statsrådskrisa etter den andre. I landsmøtesalen var denne litt uheldige figuren bytta ut med ein annan.Super-Jonas var lenge ein kjend figur i norsk politikk. Det var i dei dagar då han var utanriksminister. Han var Norges mest populære politikar. Så populær var han den gongen at målingane i VG gjorde han brydd. Då applausen runga i landsmøtesalen på torsdag, såg Jonas Gahr Støre også litt brydd ut.Applausen kom då han henta fram eit gamalt talepunkt som han hadde hatt på ein gul lapp, frå tida han styrte Victoria Terrasse: Utanrikspolitikkens mål er å gjere innanrikspolitikken mogleg. For det er her, ved å hente fram sine beste politiske eigenskapar som diplomat, statsmann og utanrikspolitisk strateg at Støre har funne ei gullåre akkurat i tide til stortingsvalet.Partileiar som kan gå på vatnetPå dei nye gule lappane til Super-Joans står det setningar som at «det som trugar tryggleiken trugar også framtida», «vi skal og kan vinne valet», «tryggleik for framtida» og «eg fryktar ikkje ny politikk. Eg fryktar gammal politikk».Det er ein versjon av Jonas Gahr Støre vi knapt har sett sidan han blei partileiar i 2014. I landsmøtesalen var det nummeret før folk byrja å spørje seg om partileiaren faktisk kan gå på vatnet. Det var jo ei kjennsgjerning at han allereie har trassa dei politiske tyngdelovene. Å fikse eit attval i september verkar dermed heilt innan rekkevidde for superkreftene hans.Alt det urolege som skjer rundt oss er som bensin for den tilbakekomne Super-Jonas. Han er tydelegare og skarpare enn på lang, lang tidDet er noko paradoksalt med at Støres superkrefter først gir han utteljing tre år inn i den globale verdskrisa som krigen i Ukraina har skapt. For den panegyriske stemninga i landsmøtesalen var resultat av ein politikar som har komme meir til sin rett enn på lang tid.Folk har kanskje ei oppleving av ein statsminister som står opp for det han trur på, til vårt felles beste. Vi anar ikkje kva som ventar oss i andre enden av den tollkrigen verda er på veg inn i. Vi skodar ikkje konsekvensane av at Trump skrudde av lyset i det liberale, amerikanske fyrtårnet. Eit politisk skifte til mørkare tider i vår heimlege provins, gir nok eit større behov for ein politikar av Støres kaliber enn på lang tid.Den store utryggleikenPartifolka som stod bak i landsmøtesalen etterpå og evaluerte talen til Støre var så fornøgde at dei stråla om kapp. Dei hadde god grunn til å glede seg over målingane og stemninga i landsmøtesalen.Men, det alvorlege bakteppet for landsmøtet, kom også med ei kjensle av at ikkje eingong statsministeren visste kva som venta oss. Faktisk visste han ikkje det, ettersom dei amerikanske tollreglane endå vart diskutert og handtert i Brussel torsdag morgon. I løpet av den komande helga, denne helga som Arbeidarpartiet er samla til landsmøte, vil det bli klart korleis EU vil bestemme seg for å beskytte sin eigen økonomi. Skulle det ramme Norge, vil det vere den mest alvorlege økonomiske situasjonen for norske arbeidsplassar på mange, mange tiår.Kanskje er det derfor Støre også i denne talen gjentok bodskapen om at han i ei uroleg tid vil stå fjellstøtt på EØS-avtalen. Han åtvara mot å sende landet ut i ein splittande EU-debatt, som i beste fall ville ende med langvarige forhandlingar om norsk medlemskap. Det viktige er å sikre norske interesser her og no, ikkje om to eller fire år.Alt det urolege som skjer rundt oss er som bensin for den tilbakekomne Super-Jonas. Han er tydelegare og skarpare enn på lang, lang tid.

Berømt nobelprisvinnar avslutta sitt eige liv

Då den verdsberømte psykologen Daniel Kahneman døydde som 90-åring i fjor, heitte det i omtalen frå Princeton-universitet at han døydde «fredfullt», tjueto dagar etter nittiårsdagen sin. I ein artikkel i Wall Street Journal kjem det no fram at israelsk-amerikanske Kahnemann døydde ved «sjølvbestemt assistert livsavslutting» i Sveits.– Han valde å avslutte livet sitt. Nokre slit framleis med å forsone seg med avgjerda hans, skriv forfattaren og kommentatoren Jason Zweig.Kahneman er ikkje minst kjent for å ha fått nobelprisen i økonomi og for boka Tenke, fort og langsomt (på engelsk: Thinking, fast and slow). Han blei rekna som ein av verdas fremste tenkarar, ikkje minst for arbeidet sitt med kognitiv psykologi. Mange undrar seg no over at ein verdsleiande autoritet innan avgjerdspsykologi – ein spesialist på dømmekraft og det å ta avgjerder – til siste valde å avslutte sitt eige liv som tilsynelatande frisk 90-åring.Nokre slit framleis med å forsone seg med avgjerda hansJason Zweig, om Daniel Kahnemans dødForstår ikkje kviforKahneman skal ha informert ein del av dei nærmaste venene sine om valet ei tid før han drog til Sveits, og somme av dei prøvde til inga nytte å få han til å ombestemme seg, ifølgje Wall Street Journal. Psykologen sendte deretter ut eit avskjedsbrev der han grunngav kvifor han valde å gå ut av tida før livet hans ikkje lenger var «verdt å forlenge». 90-åringen avslutta brevet med følgjande ord:– Takk for at de hjelpte meg med å gjere livet mitt godt.I artikkelen i Wall Street Journal skriv Jason Zweig – som før han begynte som kommentator i avisa hadde samarbeidd med Kahneman på bokprosjektet Tenke, fort og langsomt – om korleis han sjølv ikkje forstår kvifor den berømte psykologen meinte at han måtte døy.– Dødsfallet hans reiser store spørsmål: Korleis kunne verdas fremste ekspert på avgjerdstaking ta denne endelege avgjerda? Kor nøye følgde han sine eigne prinsipp for å ta gode val? Korleis passar avgjerda hans inn i den stadig større debatten om ulempene ved å leve svært lenge? Kor mykje kontroll har vi – og bør vi ha – over vår eigen død?Den tidlegare kollegaen trur at Kahneman framfor alt ønskte å unngå ein lang forfallsfase og avslutte livet på sine eigne premissar, som han omtalar som «å eige sin eigen død».Takk for at de hjelpte meg med å gjere livet mitt godt.Daniel Kahneman, i avskjedsbrevet sittAktuell politisk debattDen nye offentlege kunnskapen om Kahnemans død går rett inn i ein politisk debatt som har fått fornya styrke både internasjonalt og i Noreg. Tidlegare i år vedtok Venstre som første borgarlege parti å arbeide for ei utredning av sjølvbestemt assistert livsavslutting i Noreg. Også Framstegspartiet har ei opning for dette i prinsipprogrammet sitt. Andre parti – som KrF – er sterkt imot. KrF-leiar Dag Inge Ulstein har tidlegare sagt dette til Vårt Land:– Kva slags samfunn får vi dersom helsevesenet skal ta liv i staden for å redde liv og lindre smerte i livets siste fase? Og kva gjer det med menneske i livskrise, som kjenner seg som ei byrde, dersom vi har eit sett med kriterium eller diagnosar som seier at det er akseptabelt å ta sitt eige liv?Temaet er blitt spelt inn til behandling på Arbeidarpartiet sitt landsmøte denne veka. Det er partilaget på Nesodden som har spelt inn forslaget som også er støtta av Akershus Arbeiderparti, og ordlyden er som følgjer: «Stortinget nedsetter et bredt sammensatt utvalg/kommisjon, med et klart og begrenset mandat, som skal vurdere de etiske og nødvendige praktiske forutsetningene for en opphevelse av forbudet mot selvbestemt og selvassistert livsavslutning for mentalt friske pasienter med uhelbredelig dødelig sykdom i sine aller siste måneder».Nyleg sa SVs landsmøte med knapp margin nei til nedsette ein kommisjon for å vurdere legalisering av assistert sjølvbestemt livsavslutting, mens to tredelar stemte mot på landsmøtet til Raudt. Høgre hadde ikkje saka oppe på sitt landsmøte i år, men partileiar Erna Solberg sa følgjande til Vårt Land då vi intervjua henne om spørsmålet for to veker sidan:– Eg er djupt bekymra for å ende opp i eit samfunn der folk vil føle at dei er så mykje til belastning for andre at dei ønsker å avslutte livet sitt.Også Emilie Enger Mehl i Senterpartiet har nyleg gått kraftig ut mot aktiv dødshjelp og sagt at legalisering kan føre til «eit press om å døy».Halvparten av alle nordmenn for aktiv dødshjelpSamtidig har ei undersøking vist at kvar tredje sjukepleiar i Noreg har blitt beden av ein pasient om hjelp til å døy gjennom aktiv dødshjelp eller assistert sjølvmord. Ei nyleg Norstat-undersøking gjort for NRK viser at halvparten av befolkninga i Noreg meiner at aktiv dødshjelp bør bli lov.Ser vi til USA, stilte ei nyleg undersøking spørsmålet om det burde vere lovleg for legar å hjelpe døyande pasientar med sterke smerter til å ta sitt eige liv. 66 prosent av amerikanarane svarte ja til dette. Samstundes svarte 40 prosent i ei anna undersøking at dei meiner legeassistert sjølvmord er «moralsk gale».– Bortsett frå den potensielle faren for misbruk, trur eg grunnen til ambivalensen er openberr. Dersom du avsluttar livet ditt for tidleg – før du opplever sterke smerter eller mental svikt – vernar du både deg sjølv og dei du er glad i frå den nært føreståande lidinga. Men samtidig utset du dei du elskar for smerta ved å miste deg, og for sorga over aldri heilt å forstå valet ditt – eller kvifor du ikkje lytta til dei, skriv Zweig i Wall Street Journal-artikkelen om Kahnemans død.– Store etiske problem ved legaliseringMorten Magelssen, leiar ved Senter for medisinsk etikk, brukar omgrepet dødshjelp som ei samlenemning på eutanasi og assistert sjølvmord, i motsetnad til «sjølvbestemt assistert livsavslutting», som han ser på som eit forskjønnande uttrykk.– Etter kvart er det ein del land som har legalisert dødshjelp. Slik sett er det ikkje overraskande at det også vil vere nokre kjente namn blant dei som vel å døy på denne måten, seier Magelssen til Vårt Land.Han synest det er ei spennande tid no når mange parti har tematikken oppe på landsmøta sine, og debatten i samfunnet er så omfattande som han har vore i det seinaste.– Slik eg les det politiske landskapet, synest det likevel klart at det ikkje blir fleirtal for utredning av dødshjelp etter valet til hausten, seier han.Leiaren for Senter ved medisinsk etikk meiner at politikarane har ei heilt anna oppgåve når dei skal ta stilling til dødshjelp enn folk som blir spurte om dei er for eller mot dødshjelp i ei undersøking.– Politikarane må spørje seg om det er mogleg å lage ei dødshjelplov som er både eintydig, rettferdig og ikkje minst forsvarleg ved at ein tar vare på svake grupper og menneske som kan vere utsette for press. Sjølv med historier om berømte menneske som tek assistert sjølvmord, ser det ut som at norske politikarar framleis ser dei store etiske problema ved å skulle legalisere lovgivinga på dette området, seier Magelssen.---Daniel KahnemanIsraelsk-amerikansk psykologKjent for arbeidet sitt med kognitiv psykologi, særleg innan dømmekraft og avgjerdstakingForfattar av den kjente boka Tenke, fort og langsomt (Pax 2012) – på engelsk: Thinking, fast and slow – der han formidla mykje av forskinga si for eit breiare publikumHar også fått nobelprisen i økonomi, for arbeidet sitt innan såkalla «prospektiv økonomisk teori»---

Sluttavtaler, advokatar og psykologar: Uro i Kyrkjerådet har kosta millionar

Over fleire år har éin seksjon i administrasjonen til Kyrkjerådet vore prega av uro, varslingar og gjennomtrekk av tilsette. Dette har kosta meir enn 3,4 millionar kroner for kyrkja som no er i økonomisk krise, viser ei kartlegging Vårt Land har gjort.Dette bruka dei pengane på:Fleire sluttavtaler som skal vere knytt til uroaMillionrapportar frå advokatfirma for å granske varslingarAdvokatutgifter til ein HR-leiar det kom varsel motOrganisasjonspsykologarVårt Land har snakka med ei rekkje personar som har jobba, eller jobbar, i Kyrkjerådet, i tillegg til andre personar som har vore tett på situasjonen der.Avisa har også fått tilgang til e-postkorrespondansar, avtaler, fakturaar og andre dokument.Samla sett teiknar det seg eit bilete av eit krevjande arbeidsmiljø hjå dei som har jobba med HR i administrasjonen til Kyrkjerådet.HR er ei forkorting for Human Resources, eller personalressursar, og dei som jobbar innan feltet har oppgåver knytt til leiing og administrasjon av personalet i ei verksemd.Dei siste sju åra har det kome minst fem varsel knytt til denne seksjonen.Ifylgje ei rekkje kjelder Vårt Land har snakka med, har fleire personar som har opplevd arbeidsmiljøet her krevjande, enten slutta eller blitt sagt opp.Når det i denne saka står «Kyrkjerådet», viser det til administrasjonen til Kyrkjerådet (sjå faktaboks).Vårt Land kjem til å skrive meir om vanskane i HR-seksjonen i tida framover.---Kva er Kyrkjerådet?Kyrkjerådet er eit folkevalt organ som fungerer som eit styre eller ei «regjering» for Den norske kyrkja. Rådet har 17 medlemmar og dei har blitt valt til vervet for fire år om gongen. Det er Harald Hegstad som no er kyrkjerådsleiar.Rådet styrer skuta mellom dei årlege kyrkjemøta, som kan samanliknast med ei generalforsamling, eller kyrkja sitt «Storting».Kyrkjerådet har ein administrasjon, eller eit sekretariat om du vil, der det vil jobbe om lag 80 personar når den nylege nedbemanninga er fullført. Desse er vanlege tilsette, ikkje folkevalde, og dei jobbar i ulike avdelingar for mellom anna økonomi, kommunikasjon, HR og kyrkjefag. Dei fleste i administrasjonen held til på Kirkens hus i Oslo.Ole Edvard Wold-Reitan er no kyrkjerådsdirektør, og dermed øvste leiar for administrasjonen til Kyrkjerådet. Denne saka handlar om forhold i administrasjonen til Kyrkjerådet, ikkje i det folkevalde rådet.I 2024 og 2025 har det blitt kutta over 40 stillingar ved kyrkjerådsadministrasjonen. Årsaka er fleire år med store underskot i Den norske kyrkja, mellom anna på grunn av stor vekst i pensjons- og lønskostnadar.---1,3 millionar kroner for rapportVårt Land kjenner til at det fyrste varselet mot ein leiar i denne seksjonen skal ha kome i 2021. Det kom eit nytt, anonymt varsel mot den same leiaren 24. januar 2023.Vårt Land har sett varselet. Der står det at det er sendt inn på vegne av alle tilsette i avdeling for digitalisering, HR og utviking. Men avisa har snakka med personar som jobba der på dåverande tidspunkt, som ikkje reknar seg som avsendar av varselet.Kyrkjerådet svarar på spørsmål frå Vårt Land at dei ikkje kan seie noko om innhaldet i varselet.Vårt Land har vald å anonymisere HR-leiaren, som ikkje lenger jobbar i Kyrkjerådet. Personen er kjent med det som kjem fram i denne artikkelen og ynskjer ikkje å uttale seg.7. mars 2023 blei HR-seksjonen kalla inn til eit møte. Vårt Land har sett møteinnkallinga. Der skal dei tilsette ha blitt informert om varslinga.Den norske kyrkja hyra òg inn Advokatfirmaet Hjort til å gjera undersøkingar i forbindelse med varselet, og for å utarbeide ein rapport. Vårt Land har sett rapporten.Delar av denne blei presentert på eit nytt møte med dei tilsette den 18. april 2023. Prislappen for arbeidet til advokatfirmaet enda på nesten 1,3 millionar kroner.Vårt Land har fått innsyn i fakturaen frå advokatfirmaet. Fakturaen er merka med emnet varsling og arbeidet blir omtala som juridisk bistand.Kyrkjerådet svarar: – Mange advokattimarVårt Land har fleire gonger forsøkt å få Kyrkjerådet til å stille til intervju for å svare på spørsmål i denne saka.Kommunikasjonsdirektør Emil Engeset skriv at dei vil svare skriftleg av omsyn til dei involverte, og «for å kunne sikre presise svar innanfor rammene av kva me kan uttale oss om som arbeidsgjevar».Avisa har sendt ei rekkje skriftlege spørsmål til Kyrkjerådet. Assisterande direktør i Kyrkjerådet, Jan Rune Fagermoen, svarar på mange av dei.Han leia avdelinga som HR-seksjonen høyrde til, då varslingssakene kom.– Kva tenkjer de om at desse problema har ramma den delen av Kyrkjerådet som har ansvar for å fylgje opp varslingar og ivareta tilsette?– Eg tenkjer at dette er eit døme på at Kyrkjerådet tek varsel på alvor, uansett kva avdeling det gjeld eller kven som varslar – anten anonymt eller med namn, svarar Fagermoen.Vårt Land spør også om kvifor rapporten som tok for seg varselet som kom 24. januar 2023 var så kostbar, og kvifor ein valte å setje ut undersøkinga til eit eksternt advokathus.Han forklarar at det normalt er tilsette innan HR i Kyrkjerådet som handterer varsel, men då varselet i dette tilfellet var knytt til HR-seksjonen gjekk det ikkje an å handtere det internt.– Dermed måtte me hente inn eksterne ressursar.Han seier at mange tilsette blei intervjua i fleire omgangar, og at dette resulterte i mange advokattimar.---HR-seksjonen i KyrkjerådetI denne artikkelen står det mykje om det som før heitte HR-seksjonen i Kyrkjerådet. Dette var ein seksjon som låg under avdeling for digitalisering, HR og utvikling.I februar 2024 skjedde ei omorganisering. Då blei seksjonen skilt ut som eiga avdeling.I dag jobbar det fem personar i HR-avdelinga.I artikkelen omtalar Vårt Land seksjonen/avdelinga som HR-seksjonen, uavhengig av om det gjeld tida før eller etter omorganiseringa.HR er ei forkorting for Human Resources, eller personalressursar, og dei som jobbar innan feltet har oppgåver knytt til leiing og administrasjon av personalet i ei verksemd.---– Ikkje kritikkverdige forholdTil slutt leverte Advokatfirmaet Hjort ein rapport, og på spørsmål om kva som kom fram her, svarar Fagermoen:– Den peika på at det ikkje var kritikkverdige forhold, men peika på område det måtte jobbast med.Den assisterande direktøren fortel at det blei lagt «ein grundig plan for oppfylging» i etterkant av varselet, men seier han ikkje kan gå inn på kva tiltak dei gjorde:– Me fylgde opp tiltaka i tråd med råda i rapporten.Vårt Land blir fortalt av éi kjelde at to organisasjonspsykologar blei henta inn. Kyrkjerådet stadfestar dette, og opplyser at tiltaket kosta 98.000 kroner.Den peika på at det ikkje var kritikkverdige forhold, men peika på område det måtte jobbast medJan Rune Fagermoen, assisterande kyrkjerådsdirektør, om granskingsrapportMen det anonyme varselet førte òg til fleire utgifter for Kyrkjerådet. Vårt Land har fått innsyn i advokatutgifter knytt til handteringa av varselet.Kyrkjerådet dekte totalt 46.500 kroner av advokatutgiftene «til ein arbeidstakar i forbindelse med det anonyme varselet som gjaldt forhold i HR-avdelinga».Kyrkjerådet opplyser at leiaren for den aktuelle seksjonen, altså HR-leiaren, sa opp si stilling i desember, det same året som rapporten kom. Vedkomande hadde ikkje sluttavtale.Men det blei ikkje stille i gangane på Kirkens hus av den grunn.---VarslingVarsling er at ein arbeidstakar seier ifrå om kritikkverdige forhold på eigen arbeidsplass.Med kritikkverdige forhold meiner ein:brot på lovar og reglar (rettsreglar)brot på verksemda sine interne, skriftlege etiske retningslinerbrot på etiske normer som er vidt forankra i samfunnetDøme på kritikkverdige forhold:Fare for liv eller helseFare for klima eller miljøKorrupsjon eller annan økonomisk kriminalitetMisbruk av maktUforsvarleg arbeidsmiljøEit varsel er ein påstand om eitt eller fleire kritikkverdige forhold. Det er aldri ei konstatering av at det faktisk er gjort noko gale.Viss arbeidstakar seier ifrå om kritikkverdige forhold til nokon som har makt til å gjera noko med det, er det eit varsel, uansett om arbeidstakar kallar det eit varsel eller noko anna (til dømes avvik, klage, bekymringsmelding, seie ifrå, osb.).Varslarar har eit vern mot gjengjelding. Det vil seie at det er forbode med alle former for straff mot ein arbeidstakar som ein reaksjon på at personen varslar eller vurderer å varsle. Dette kan til dømes vera trakassering, sosial ekskludering, endring i arbeidsoppgåver eller oppseiing.Kjelder: Arbeidstilsynet og arbeidsmiljølova---Nytt varsel, ny millionrapportKort tid før leiaren slutta, varsla vedkomande mot sine leiarar. Sagt med andre ord: personen som det hadde blitt varsla mot, leverte eit varsel mot dåverande kyrkjerådsdirektør Ingrid Vad Nilsen og dåverande avdelingsleiar Jan Rune Fagermoen. Fleire kjelder seier dette til Vårt Land.Kyrkjerådet vil ikkje stadfeste at det var den same personen som blei varsla mot, som varsla på sine eigne leiarar. Dei vil heller ikkje seie om det var ein samanheng mellom dei to varsla.Det dei derimot stadfester er at eit varsel mot leiinga i Kyrkjerådet blei levert mot slutten av 2023.Varselet gjekk heilt til toppen i Kyrkjerådet – til dåverande kyrkjerådsleiar Kristin Gunleiksrud Raaum. Ho sette advokatfirmaet Grette til å granske varselet. Raaum stadfestar dette i ei melding til Vårt Land.I perioden desember 2023 til mars 2024 fekk Kyrkjerådet tre fakturaar frå advokatfirmaet.Prislappen? 1.057.000 kroner.Det betyr at to varslingsrapportar kosta Kyrkjerådet meir enn 2,3 millionar kroner.Den andre varslingssaka vart avslutta i mars 2024. «Ingen kritikkverdige forhold», konkluderte advokatfirmaet, ifylgje Kyrkjerådet.Kommunikasjonsdirektør Emil Engeset skriv i ein e-post til Vårt Land at dei bruka eit eksternt advokatfirma også i denne saka, sidan administrasjonen av habilitetsgrunnar ikkje kunne undersøke varselet.Han seier at hovudkonklusjonen til advokatfirmaet i dette tilfellet var at dei ikkje fann kritikkverdige forhold.– Undersøkinga peika på område Kyrkjerådet framleis må fylgje opp systematisk, skriv Engeset om den andre varslingssaka.Undersøkinga peika på område Kyrkjerådet framleis må fylgje opp systematiskEmil Engeset, kommunikasjonsdirektørVårt Land har spurt om dåverande kyrkjerådsdirektør Ingrid Vad Nilsen ynskjer å kommentere. I ei melding skriv ho at ho ikkje har noko å tilføye.Fleire sluttavtalerVårt Land erfarer at uroa i HR-seksjonen i Kyrkjerådet har fått store konsekvensar, ikkje berre økonomisk.Minst seks personar her skal ha sagt opp eller blitt sagt opp på grunn av uro og dårleg arbeidsmiljø mellom 2017 og 2024, viser ei kartlegging avisa har gjort. Fleire av desse personane fekk sluttavtale.Vårt Land har bedt om innsyn i alle sluttavtaler inngått i heile administrasjonen til Kyrkjerådet i dette tidsrommet.Til saman er det snakk om sju avtaler. Dei har ein samla verdi på 3,4 millionar kroner, opplyser Kyrkjerådet.Kyrkjerådet har gjeve Vårt Land innsyn i sladda versjonar av seks av desse sju avtalene, og dei har også opplyst om dei overordna rammene for den sjuande.Vilkåra strekkjer seg frå to månadar løn, til éi årsløn. Nokre av avtalene har også med punkt om at Kyrkjerådet skal dekkje utgifter knytt til juridisk bistand og/eller til utdanningsstøtte.Fleire av avtalene har teieklausular. Dei kan handle om at ein ikkje skal snakke om innhaldet i avtala, opplysningar av konfidensiell art, eller at ein er plikta til å omtale arbeidsgjevaren «nøytralt». Les meir om dette i Vårt Land på laurdag.Kyrkjerådet har ikkje villa gje samla sum på berre dei avtalene som gjeld HR-seksjonen, men Vårt Land erfarer at minst tre av avtalene er knytt til uroa her.Dei tre avtalene har desse vilkåra:Avtale 1: Seks månadar løn utan arbeidspliktAvtale 2: To månadar løn, og dekte kostnadar til juridisk bistand på inntil 60.000 kronerAvtale 3: Elleve månadar løn, og dekte kostnadar til juridisk bistand på inntil 130.000 kronerTotalt blir dette 19 månadar med løn. Utifrå lønsnivået i Kyrkjerådet i 2023, estimerer Vårt Land difor at dei tre sluttavtalene har kosta Kyrkjerådet over éin million kroner.Samla sett viser innsyna Vårt Land har fått, at uroa og varslingane i HR-seksjonen har kosta Kyrkjerådet minst:Sluttavtaler: 1 million kroner.Granskingsrapportar: 2,3 millionar kroner.Organisasjonspsykologar: 100.000 kroner.Advokatutgifter: 50.000 kroner.Totalt: Om lag 3.450.000 kroner.Meiner Vårt Land ikkje har dekningKyrkjerådsadministrasjonen, ved Jan Rune Fagermoen, har sett reknestykket over, og dei skriv at Vårt Land ikkje har dekning for å hevde at det er bruka mellom tre og fire millionar kroner på uro, sluttavtaler og varslingar i HR-seksjonen.Dei seier at berre to sluttavtaler er kopla til HR-seksjonen i nyare tid. Vårt Land kjenner til minst tre slike avtaler i perioden 2017-2024.Dei vil heller ikkje stadfeste at den andre granskingsrapporten handlar om uro med opphav i HR-seksjonen.På spørsmål om dei krevjande arbeidsforholda for dei som jobbar med HR i Kyrkjerådet no er rydda opp i, svarar Fagermoen at det anonyme varselet er ferdig konkludert:– Me har ikkje grunnlag for å tru at HR-seksjonen er prega av eit dårleg arbeidsmiljø eller kritikkverdige forhold. Sjølv om dette varselet er konkludert, vil det alltid vera viktig å arbeide vidare for eit godt arbeidsmiljø.Les neste artikkel om uroa i Kyrkjerådet på laurdag.VÅRT LAND PRESISERER: I ei fyrste utgåve av denne artikkelen stod det at konklusjonen i den andre granskingsrapporten var «ingen straffbare forhold», basert på at Kyrkjerådet skreiv i ein epost at hovudkonklusjonen var «ingen brot på lova». Formuleringa er no endra til «ingen kritikkverdige forhold», etter at Kyrkjerådet ynskte ei korrigering. Retta kl. 08:47, 03.04.2025.

Storhaug rideklubb holder stengt: – Vi har mange hester som har fått lungebetennelse

Amazon planlegger «nytt, spennende kapittel» for James Bond – men lover å hedre arven

Drøm om mineralgruve på havbunnen knust

J.D. Vance: Elon Musk fortsetter som rådgiver

Visepresident J.D. Vance sier til Fox News at Elon Musk kommer til fortsette som rådgiver, etter at det onsdag var snakk om at han var på vei ut som rådgiver. – Doge har mye arbeid å gjøre, og det kommer til å fortsette etter at Elon drar. Men han kommer til å fortsette å være en venn og rådgiver til både meg og presidenten, sier Vance til TV-kanalen Fox News. Onsdag siterte nettsiden Politico flere anonyme kilder på at Musk skulle bli mindre sentral etter at arbeidet med effektiviseringsorganet Doge er over.

DSB setter inn ekstra beredskap

Direktoratet for samfunnssikkerhet og beredskap (DSB) har besluttet å sette inn ekstra skogbrannberedskap med tre helikopter i perioden 4. april til og med mandag 7. april. Basene som blir satt i beredskap er Geiteryggen i Skien, Hamar og Sand. Geiteryggen er også i beredskap 3. april.

Bloomberg: TikTok får bot for brudd på personvern

TikToks eier, ByteDance, får en bot på over 500 millioner euro for å ha sendt data fra EU-brukere til Kina, skriver Bloomberg. Ifølge kilder avisen har snakket om er det trolig Irland som vil utstede boten. Det har pågått en langvarig gransking om hvorvidt ByteDance har brutt med EUs databeskyttelsesregelverk.